محمود العسيلي: كنت معشوق البنات في المدرسة
قال الفنان محمود العسيلي:"لما غنيت وأنا في المدرسة كانت البنات بتديني بيتزا ببلاش علشان أغني لهم فابتديت افهم أن ده ممكن يبقى أكل عيشي، وكنت بغني أغاني أنا بألفها".
قصة حفلات المدرسة مع محمود العسيلي
وتابع خلال لقائه ببرنامج "انغام" الذي تقدمه الفنانة انغام بقناة "دي ام سي":"أول حفلة لي كانت حفلات المدرسة وأنا في أولى إعدادي فغنيت أغاني أنا اللى كاتبها وملحنها".
رفض العسيلي الغناء مع انوشكا
وأضاف محمود العسيلي:"في المدرسة جابوا مغنية مشهورة جدا وهي أنوشكا تغني في حفلات المدرسة فقالولي اختارتك تغني معاها فقلت لهم لأ يا غني أغاني بتاعتي يا أغني مايكل جاكسون".
وأكد:"انوشكا كانت هتغني معايا اغنية بلاد طيبة، وكنت هاغني مكان محمد منير، وكان عمري 12 سنة وقتها لكني رفضت اغني معاها، واشترطت اغني اغانيا او اغاني مايكل جاكسون".
نقطة التحول في حياة محمود العسيلي
وأكمل:"نقطة التحول الرئيسية بتاعتي كانت في الجامعة الأمريكية وكان فيه اقتناع كبير بموهبتي ودفعوني الي الاحتراف".
قصة اغنية وجع الهوي
كشف الفنان محمود العسيلي، للفنانة انغام، خلال برنامج “انغام” المذاع علي قناة “dmc”، مفاجأة عن مؤلف كلمات أغنيته “وجع الهوي”.
محمود العسيلي: أغنية وجع الهوي قصة حقيقي
وقال الفنان محمود العسيلي:"أغنية وجع الهوى" تحمل حكاية خاصة عن حياتي، وهي تعبير عن قصة حقيقية وموضوع مختلف يلمس الكثير من الناس المتخوفين من التعبير عن مشاعرهم.
أقرب اغنية لقلب محمود العسيلي
وتابع:"أغنية وجع الهوي، موسيقيا من اقرب الناس لقلبي ورجعت فيها نفسي لدور الهاوي بشكل او باَخر".
مفاجأة عن أمير مرتضى منصور
ولفت:"الأغنية من كلمات شخص غير متوقع علي الإطلاق وهو أمير مرتضى منصور هو بيحب المزيكا وبيحب يكتب ومن اصدقائي والاغنية كتبناها مع بعض والأغنية من الحاني".
انغام تتغزل في محمود العسيلي
تغزلت الفنانة أنغام، في صوت وموسيقى الفنان محمود العسيلي:"طفل حلم بمشروع وشكل غنا ومزيكا، وفضل يحلم لحد لما قدر يحقق شكل غنائي مش شبه حد خالص، وهو مختلف تماما، وصوته فيه خربشة وخشونة ورجولة وبهجة في نفس الوقت، ومزيكته مش شبه أي مزيكا، وكلمات أغانيه بتكسر قوانين الشعر الغنائي، والناس بتحب أغانيه وقادرة تستسيغه ويظل هو الطفل والشاب الحالم وقادر يقدم حاجة مختلفة".
دراسة محمود العسيلي للبيانو والموسيقى
ومن جانبه قال الفنان محمود العسيلي:"قعدت 12 سنة بدرس بيانو مع أستاذ بكلية التربية الموسيقية، وبعرف هارموني كويس وكنت بسمع مزيكا كتير، وده فرق كتير جدا في حياتي".
إحساس محمود العسيلي
وتابع خلال لقائه ببرنامج "انغام" الذي تقدمه الفنانة انغام بقناة "دي ام سي":"دايما بحب اغني الأغنية اللى بحس انها هتخليني اقشعر".
