تعليق قوي من عمرو أديب بعد رباعية فلامنجو في الأهلي
تعليق قوي من عمرو أديب بعد رباعية فلامنجو في الأهلي.. تعليق قوي من عمرو أديب بعد رباعية فلامنجو في الأهلي.. علق الإعلامي عمرو أديب، على خسارة النادي الأهلي من فلامنجو البرازيلي واحتلاله المركز الرابع بكأس العالم للأندية المقامة في المغرب.
عمرو أديب يثني على أداء النادي الأهلي
وقال عمرو أديب خلال برنامج “الحكاية” المذاع على قناة “mbc مصر”: "نشكر النادي الأهلي على أداء لعيبته في كأس العالم للأندية عملوا اللي يقدروا عليه".
عمرو أديب: الأهلي هزم نفسه في كأس العالم للأندية
وأضاف:"الأهلي هزم نفسه وبصراحة الفرقة دي مش برازيلي أوي نص سوا وليست فرقة قوية جدًّا والأهلي كان ممكن يظهر أحسن من كده شوية، ولكن لازم أشكر اللعيبة والمجهود اللي عملوه ومجهود كويس وكان نفسنا ياخدوا البرونزية الرابعة أنا برضو ما أقدرش أتجاهل إن الأخطاء كانت مرعبة ضراء الجزاء اللي ضايعة والأجوان اللى ضيعها شريف المخيف واخطاء الشناوي والخطأ بتاع ديانج، حسيت ان ممكن الماتش يطلع أحسن من كده والأهلي يطلع أحسن من كدا، ليه بيبقى حلال لما الزمالك يتلغب أهل مصر كلهم يتكلموا عن هزيمة الزمالك إنما ما ينفعش أتكلم عن الأهلي، أنا من حقي اتكلم عن الأهلي ممثل الكرة المصرية، وعلي فكرة نفس اللي حصل في ماتش الريال حصل أمام فلامنجو البرازيلي، وليه المدرب ساب حسين الشحات لآخر 3 دقائق ليه؟ إيه الحاجة العظيمة اللي بنتفرج عليها دي؟ رغم ضياع معلول ضربة جزاء لازم أقول يا بخت الأهلي بمعلول لاعب محترم ومخلص ولازم اشير لأحمد عبد القادر الموهوب الحريف، كولر مسؤول عن الهزيمة بنسبة 75% لإنه حط التشكيل غلط من الأول، وعايز أسأل سؤال هو ليه الأهلي معندهوش مهاجم لو الأهلي عنده مهاجم كان يقدر يجيب اجوان كتير، الأهلي ليه ما بيشتريش مهاجم؟ ومع كل هذا بنشكر الأهلي علي المجهود والأداء وان شاء الله يرجعوا يكملوا مسيرتهم في افريقيا والدوري المصري عايز اسأل اي مواطن اهلاوي النهاردة انتوا شايفين الأهلي النهاردة قد ادى اداءا جيدا في هذه البطولة ولو اَه نام مرتاح، شيل الماتشين اللي في الأول لإن هما فرقتين ملهومش في الكورة، هل الأهلي أدى الأداء الجيد في البطولة؟ وهل ستتذكرون أداءه في البطولة؟".
رسالة عمرو أديب لبعض مشجعي الأهلي الذين وجهوا له شتائم بسبب الزمالك
وتابع: "أيوا احنا كزمالك تعبانين وفي السادس وكل حاجة، ولكن بقول للأهلاوية اللي بيشتموني أنتوا شايفين إن الأهلي كويس وراضيين يعني لو راضي هسيبك لضميرك، الأهلاوية نايمين في حالة صعبة لإنه شاف الشناوي بيغلط وديانج بيرجع الكرة غلط وشريف بيضيع، فلامنجو مش أعظم حاجة يعني وعندهم بطء ومهاراتهم علي قدها وشتان بينهم وبين ريال مدريد".
تصريحات أحمد عبد القادر
كأس العالم للأندية، صرح أحمد عبد القادر لاعب النادي الأهلي، كنا نسير بشكل جيد أمام فلامنجو وحاولنا أن نفوز، ولكن صادفنا سوء حظ كبير.
وقال أحمد عبد القادر في تصريحات عبر قناة "المغربية الرياضية": هناك ركلة جزاء لا أعلم مدى صحتها، ولا يوجد تعمد من جانب محمد هاني للمس الكرة بيده.
وتابع: نحمد الله على النتيجة بعيدًا عن أي شيء، لكن الطرد أثر كثيرًا علينا وأحدث (لخبطة) في تشكيل الفريق، وبالتأكيد هذه المباريات تلعب على التفاصيل الصغيرة"
الأهلي يخسر من فلامنجو البرازيلي بالأربعة
وانتزع فريق فلامنجو البرازيلي برونزية مونديال الأندية بعد الفوز على الأهلي 4-2، في المباراة التي جرت على ملعب ابن بطوطة في طنجة بالمغرب، في مباراة تحديد المركزين الثالث والرابع بمونديال الأندية.
ويستعد الأهلي لبدء مشواره في بطولة دوري أبطال إفريقيا بمواجهة الهلال السوداني، ضمن لقاءات مرحلة المجموعات.
موعد مباراة الأهلي القادمة في دوري أبطال أفريقيا
وتقام مباراة الأهلي والهلال السوداني يوم السبت الموافق 18 فبراير الجاري، في تمام الساعة 03:00 عصرًا بتوقيت القاهرة.
