فيديو.. رامز جلال يوجه رسالة مؤثرة لضحايا برنامجه ويكشف قصة الأوزة عزة

قال الفنان رامز جلال:"جهزنا وحدة مونتاج خاصة ببرنامج رامز نيفر إند، وأشكر كل فريق العمل اللى بذلك مجهود جبار حتي يخرج العمل بأفضل صورة".

تكلفة برنامج رامز جلال

وأضاف خلال مداخلة هاتفية ببرنامج "يحدث في مصر" الذي يقدمه الاعلامي شريف عامر بقناة "ام بي سي مصر":"النظارات اللي في البرنامج شغل عالي وتكلفة وحكايات بس كل بدعم إم بي سي وهيئ الترفيه".

رسالة رامز جلال لضحايا برنامجه

ووجه رامز جلال، رسالة للضحايا من النجوم الذين وقعوا في فخ مقالب برنامج "رامز نيفر إند"، قائلا:"لكل أصحابي وأخواتي اللى عملت فيهم المقلب بعتذر لأي حد زعل بعد الحلقة لما اتصورت وهيزعل بعد ما الحلقة هتذاع، بس وحياة ربنا وابني اللى معنديش غيره في الدنيا أنا بحبهم وبعتذرلهم وبشكرهم وهما علي راسي".

قصة وزة رامز جلال في المقالب

وعن قصة ظهور "الوزة" في الحلقات، علق رامز جلال، قائلا:"الوزة عزة دي صار بيني وبينها قصة حب غير طبيعية، واحنا محتفظين بكل الكواليس اللى حصلت ما بينا وهنذيعها، والناس هتحبها أوي وهيكون ليها دور مختلف".

ورد الفنان رامز جلال، في نفس المداخلة، على سؤال الإعلامي شريف عامر، بشأن لدغة الثعبان التي تعرض لها خلال برنامج "رامز نيفر إند" وما إذا كان الثعبان ساما من عدمه.

تطعيم رامز جلال بعد لدغة الثعبان

وقال رامز جلال خلال مداخلة هاتفية ببرنامج "يحدث في مصر" المذاع على قناة "إم بي سي مصر": "أنا محتاج تطيعم وبحس بأنياب بتطلع لي وأنا نايم".

رامز جلال، فيتو

رد فعل رامز جلال بعد لدغة الثعبان

وأضاف: "لما اتلدغت من الثعبان قلت حاجة بتخلص ذنوب كتيرة، ولما حصل قلت والله العظيم ربنا بيخلص حاجات بقى".

ولفت الفنان رامز جلال: "كل الضيوف كنت شايل همهم لأن فيه ناس عارف أن رد فعلهم عنيف، وأنا مش بيج رامي أنا صحتي علي قدي".

مشكلة رامز جلال في المقالب

وتابع: "أنا كل اللي بيبقى هاممني من أي رد فعل بيحصل في المقلب أني أحافظ على شي لأني لسه هكمل تصوير، فبدفس وشي في صدري علشان أكمل التصوير وعندي حلقات".

مقلب أحمد السقا وأكل الثعبان

ولفت: "أحمد السقا م ش بني آدم عادي وبياكل سحالي في البيت، والناس هتشوف الحلقة بتاعته هتلاقيه مش بني آدم طبيعي وانا مفهمتش وانا بصور هو بيعمل ايه وازاي قطع الثعبان".

ضحايا رامز جلال

وأكمل رامز جلال: "فيه حاجات كتير في الحلقات وكان فيه اوضة في مستشفى بتستقبل الضحايا لحد لما طلعت عليا في الآخر".

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.